MA. Almandina Guma says:

Përshëndetje e dashur
Faleminderit që na ke shkruar dhe na ke besuar shqetësimin dhe ndjesitë e tua në lidhje me një situatë familjare që në fakt është e vështirë.
Ti shprehesh në letrën tënde që familja jotja nuk është një familje e lumtur si gjithë të tjerat, por unë mendoj që familja jote është e ndryshme dhe unike sic gjithë familjet e tjera, por situatat që ju po kaloni dhe përballja me shqetësime të shëndetit kërkojnë në fakt shumë mirëkuptim, mbështetje ndaj personit, gjetjen e hapësirave vetjake që të clirohesh nga pesha e gjendjes së krijuar.
Në radhë të parë shpresoj që mami jot të jetë duke marr trajtimin e duhur lidhur me problemet e shëndetit mendor që ka, shpresoj që ju vetë të jeni të mirëinformuar për problematikën e saj dhe ecurinë në vijim dhe është shumë e rëndësishme që të keni përreth persona që tu mbështesin, qofshin familjarë ose profesionistë.

Duke u rikthyer te ty, në fakt ne nuk zgjedhim dot se cfarë duhet të kemi në jetë, cfarë familjesh do donim të ishim dhe mendoj që lumturia ndonjëherë vecanërisht në situata të tilla vlen të përkufizohet dhe të matet me nivelin e asaj që “Japim” edhe pse situata është e vështirë, edhe pse kemi zemërim dhe inat shpeshherë. Dhe në fakt është normale që ti kemi të gjitha këto, edhe të ndihemi keq, por ajo që vlen në këtë situatë është cfarë kuptimi i japim gjithë kësaj.
E di që do doje të kishe një mama ndryshe dhe të ishte ajo mbështetja për ty, por nga ana tjetër unë mendoj që problematika që ka mami jot nuk e lejon dot atë të shpreh cfarë ajo mund të jepte përndryshe.
Nuk është një dënim për ty e dashur, por një sëmundje e shëndetit mendor dhe ti dhe ju po bëni më të mirën dhe kjo nuk është pak për të qenë pozitiv, por mbi të gjitha krenar për veten. Mbase duhet të fokusohesh ndryshe në të menduarin tënd në gjithë të këtë situatë, edhe pse është e vështirë.

Gjithsesi të rekomandoj që të gjesh edhe hapësira apo gjëra në jetën tënde që të ndihmojnë të shkëputesh nga situata, por edhe të gjesh dashurinë në forma të tjera komunikimi apo mbështetje. Besoj se është mirë të flasësh për këtë me personat e tjerë brenda familjes ku edhe ti mund të mbështetesh dhe të marrësh atë që dëshiron më së shumti.
Edhe bisedat me persona të afërt por edhe profesionistë për të shprehur veten, emocionet, ndjesitë e ndryshme që ti ke, do të ndihmonin ty përgjatë kësaj periudhe.

Të uroj gjithë të mirat më tej dhe ta uroj këtë shumë sinqerisht dhe me gjithë mbështetjen e dashurinë nga ana jonë,
Me respekt,
Alma