MA. Almandina Guma says:

Përshëndetje e dashur
Faleminderit që na ke shkruar dhe ke ndarë me ne dhimbjen që mban brenda.
Besoj se ajo që ndjen dhe përjeton nuk është e lehtë për ty, pasi duket se ka patur shumë ndjenja, afeksion por edhe besim në lidhjen që është formësuar midis jush. Po ashtu vërëhet në ato që thua që disa avancime në raport vecanërisht lidhur me intimitetin fizik kanë ndodhur më tepër nga “frika për të mos ta humbur tjetrin” se sa nga një zgjedhje.
Kuptoj se nuk është shpesh e lehtë kur duam dikë pasi afeksioni dhe ndjesia e humbjes së mundshme, fakti që jemi më vulnerabël e vecanërisht në rast se kjo ka qenë raporti I parë për ty, ngatërrohen me njëra tjetrën mjaftueshëm sa të mos orientohesh në mënyrën më të mirë.
Nga ana e ish partnerit tënd duket që kjo lidhje është marr në një mënyrë tjetër, ndoshta është testuar më së shumti ndjesia, ndoshta nuk ka patur përkushtim. Ka shumë “ndoshta” se pse ish partneri e ka marr këtë raport sic e ka marr.
Unë mendoj se cdo njeri ka të drejtën e “exit” në rast se lidhja nuk është përmbushëse (dhe dua të theksoj “lidhja” dhe jo “ti” detyrimisht).
Por duket se kjo nuk ka ndodhur në mënyrën më të mirë për ty dhe duke u ndjerë e refuzuar, janë rritur ndjesitë e forta të zhgënjimit, të pyetjeve, të frikës për marrëdhëniet e tjera, por edhe të dyshimit të vetes se cfarë mund të kishe bërë mirë ose ndryshe.
Ti I cilëson si mendime negative pasi I ke kthyer si thikë ndaj vetes, por a nuk është ky moment në jetën tënde një hapësirë e mirë rritje për të reflektuar për veten, cfarë do doje të bëje më mirë, cfarë të bën akoma mirë ty, cfarë pyetjesh do doje të kishe bërë në raportin e mëparshëm, cfarë do doje të kishe qenë me e qetë, më reflektive, më e qartë, cfarë pyetjesh ke akoma ndaj ish partnerit, cfarë do doje të përmirësoje me aftësitë e tua në një raport.

Nuk e di në rast se ke akoma ndjenja afeksioni ndaj ish partnerit por ashtu sic mund të them se ndarja është një nga eksperiencat më të vështira dhe domethënëse, por nga letra jote duket sikur ti je kapur më shumë si me kritikë ndaj vetes dhe me frikë për cdo gjë që mund të ndodh më tej.

Shpresoj se përgjigja ime të mund të ndihmojë të reflektosh në një tjetër prespektivë.
Mbetemi në kontakt,
Faleminderit
Alma