Orientimi ne karrierë

Përshkrimi i Kategorive të Mjetëve për Shpëtimin e Karierës

Në vijim do të jepet një përshkrim i tetë kategorive për profilin e karrierës që janë paraqitur gjithmonë në të gjitha llojet e profesioneve. Pas çdo përshkrimi ju do të gjeni dy shembuj të shkurtër që ju ndihmojnë sesi funksionojnë profile të karrierës dhe ndikimi i tyre në nxjerrjen e vendimeve mbi karrierën.

Dy spirancat e para për përshkrim-kompetenca teknike funksionale dhe kompetenca menaxheriale gjenerale-sjellet (varet) rreth kuptimit mbizotërues se çka kuptojmë me kompetencë.

1)  KT – Kompetenca/teknike funksionale 

Nëse keni shënuar rezultat të lart në këtë shtyllë, profili juaj në karrierë është kompetenca në disa sfera teknike ose funksionale. Ajo nga e cila ju nuk duhet ta hiqni dorë është mundësia për të përdorur aftësitë e juaja në atë sferë dhe të vazhdoni zhvillimin e atyre aftësive në një nivel gjithnjë më të lartë. Ju krijoni vete-imazh duke u bazuar ne zbatimin e shkathtësive tuaja, si dhe jeni më së shumti të kënaqur nëse puna juaj ju lejon të sfidoheni në këtë fushë. Ndoshta ju keni gatishmërinë të menaxhoni tjerët në sferën tuaj teknike ose funksionale, por ju nuk jeni të interesuar vetëm sa për menaxhim dhe do t’i shmangeni menaxhimit gjeneral nëse ju duhet të braktisni sferën tuaj të ekspertizës. Problemi më i madh për njerëzit në këtë profil është se atyre mund të iu caktohen punë që kërkojnë menaxhim të përgjithshëm, punë e cila nuk do të ju pëlqejë dhe që mund të dështojnë.

Shembull:  Hekuran Abazi i diplomuar në shkollën e biznesit me një interes në inxhinierinë e manifakturës kishte një sërë punësh në një firmë të madhe multinacionale të manifakturës. Për shkak të suksesit të tij në këtë sferë ai u promovua në punë për të menaxhuar tërë grupin e inxhinierëve të një filiale në Kosove. Hekurani ishte shumë i suksesshëm në punën e tij dhe dinte se ai tani do të merrej parasysh për një punë më të lartë sektoriale sikurse është drejtimi i tërë filiale në Kosove. Para se të ia lejonte vetën të merrej parasysh për pozitën e Presidentit të filiale, ai loboi me kolegët e tij në selinë kryesore dhe siguroi një pozitë të lart në personel në organizatën e manifakturës nga e cila së fundi ishte larguar. Atij i dukeshin të gjitha punët e përgjithshme menaxheriale si tepër politike, tepër të ngarkuara me çështje te personelit, dhe vërtet jo aq sfiduese.

Lindita Halimi kishte filluar një karrierë si menaxhere e produkteve në një kompani të madhe të ushqimit. Kjo punë kërkonte talent në marketing dhe Lindita zbuloi se ajo e donte këtë punë dhe e bënte mirë atë punë. Për shkak të suksesit të saj ajo është avancuar në produkte gjithnjë më të mëdha, derisa iu vë përsipër një grup produktesh. Edhe pse ajo nuk i gëzohej menaxhimit, ajo e bënte mirë atë, kështu duke bërë që kompania ta avancojë atë eventualisht në Presidente të njërit prej divizioneve të saj. Ajo ishte e suksesshme në këtë punë gjatë më shumë se 10 vite dhe pastaj ajo shkoi në Selinë Qendrore të Korporatës për të qenë ZP e Lartë e Marketingut. Ajo tha se: “më në fund unë jam dukë bërë pikërisht atë që kisha dëshiruar të bëjë, përcaktimin e strategjisë së Marketingut. Kam qenë në gjendje të jem drejtor gjeneral, por vërtet kurrë nuk më ka pëlqyer ajo punë. Tani jam e lumtur që po bëjë atë që duhet dhe kjo më bënë të ndjehem mirë”.

2) KPM-Kompetenca e Përgjithshme Menaxheriale

Nëse keni pasur rezultate të larta në këtë profil ju jeni përcaktuar në kompetencën e përgjithshme menaxheriale. Ajo që ju nuk duhet ta lëshoni nga dora është mundësia për t’u ngjitur në një pozitë të lartë në një organizatë, që detyra juaj të jetë integrimi i punëve të tjerëve dhe të jeni përgjegjës për rezultatin përfundimtar të një sektori të organizatës. Ju dëshironi të jeni përgjegjës dhe të llogaritet në juve për rezultatet e përgjithshme që nxjerr organizata. Ju e identifikoni krejt punën tuaj me suksesin e organizatës për të cilën ju punoni. Nëse ju jeni duke punuar aktualisht në sferën teknike ose funksionale, ju e konsideroni këtë si eksperiencë të nevojshme për të mësuar dhe ndoshta edhe mund të pranoni punë të menaxhmentit të lartë në atë funksion. Sidoqoftë, ambicia e juaj është të merrni një punë të përgjithshme sa më shpejt që është e mundur. Ju doni të jeni në gjendje për të ja atribuuar suksesin e organizatës suaj ose projektit, aftësive tuaja menaxheriale bazuar në shkathtësitë analitike, ndër-personale dhe punës në grup, dhe kapacitetit tuaj emocional për tu marr me nivele të larta të përgjegjësisë.

Shembuj: Fortesa Ilmiu kishte filluar karrierën në një kompani të madhe për kompjuter si programuese. Pas pesë viteve në pozita të ndryshme si programuese ajo mori përsipër grupin teknik dhe tregoi sukses në menaxhimin e grupit. Gjatë disa viteve në vijim ajo mori përsipër grupe gjithnjë më të mëdha, duke mësuar gjatë kësaj kohe shumë gjëra mbi financat dhe marketingun. Kur kompania në një linjë të ngjashme të biznesit kishte nevojë për ZLE (Zyrtar i Lartë Ekzekutiv) ajo u rekrutua për këtë pune, dhe e ka drejtuar këtë kompani me sukses gjatë dhjetë viteve të fundit.

Urim Selimi ka diplomuar në shkollën e biznesit dhe hyri në një program në industrinë e telefonit, për “drejtorë te lartë potencial“ që përfshinte funksione të ndryshme të biznesit në rotacione vjetore. Urimit ju kishte dhënë shansi të mbikëqyrë një grup dhe kuptoi se atij i pëlqente të kishte këtë rol dhe ishte i suksesshëm në këtë. Ai arriti të kuptoj se ai dëshironte të ngjitej në shkallën menaxheriale dhe u bë fare i padurueshëm me programin e ngadalshëm të rotacionit. Ai dhe një shok i tij vendosen të blejnë një kompani të vogël kështu që Urimi do të mund të drejtonte vetë kompaninë më shpejt sesa që kishte qenë e mundur në kompaninë e telefonave më parë. Ai kishte drejtuar me sukses këtë kompani për 20 vite me radhë dhe më pas ishte pensionuar nga ajo punë.

Të katër mbështetjet tjera në karierë-autonomia/pavarësia/siguria/stabiliteti, kreativiteti i ndërmarrësisë, dhe përkushtimi/shërbimi një çështjeje – sjellen rreth motivit dominant ose nevojës:

3) AU- Autonomia/Pavarësia

Nëse ju keni shënuar rezultate të larta në këtë shtyllë, profili juaj në karrierë është autonomia/pavarësia. Ajo që ju nuk duhet ta hiqni dorë nga është mundësia që ju ta definoni punën tuaj si ju doni vetë. Ju keni zbuluar se mbi të gjitha ju keni nevojë të ndjeheni i lirë dhe të mbështeteni tek vetja juaj në atë që bëni në karrierën e juaj. Disa punë tradicionale në organizata lejojnë që kjo liri të zbatohet por shpesh njerëzit me këtë orientim karriere janë të prirur kah vet-punësimi ose për ato punë që kanë shkallë të lartë autonomie. Këto punë mund të jenë si këshilltarë i pavarur, profesorë, biznesmen i vogël i pavarur, shitës në terren, etj. Nëse planifikoni apo jeni duke punuar për një organizatë, ju do të dëshironit të keni një punë që ju lejon juve fleksibilitet lidhur me atë se kur dhe sa punoni. Ju madje ndonjëherë mund të hidhni poshtë mundësitë për avancim me qëllim që të ruani autonominë tuaj.

Shembuj:  Artan Gashi kishte filluar karrierën e tij në Departamentin e Personelit të një korporate të madhe dhe shpejt kishte zbuluar se ai as nuk i donte e as nuk i respektonte shumë prej rregullave dhe ritualeve të asaj organizate. Ai u përpjek të ishte i pavarur në punën e tij, por gjithsesi konstatoi se jeta në një organizatë të madhe ishte thjesht tepër ndërhyrëse ne jetën e punëtorëve. Ai e braktisi këtë organizatë dhe u orvat të bëjë punë si këshilltar i pavarur. Kur ai u martua dhe lindën fëmijët, ai e kuptoj se nuk mund ta mbajë familjen e tij nga puna si këshilltar i pavarur duke marrë parasysh edhe udhëtimet e shpeshta që kërkonte kjo punë. Kështu që ai dhe gruaja e tij blenë dhe drejtuan me sukses një biznes të vogël antikitetesh.

Njomza Sadiku kishte filluar karrierën e saj si këshilltare menaxhmenti dhe ishte aq e suksesshme sa ajo duhet të punësonte edhe mjaft punëtore të tjerë për të ia dalë mbanë tërë biznesit. Kur kompania e saj u rrit ajo kuptoj se asaj nuk i pëlqen menaxhimi i organizatës. Ajo që asaj i pëlqente ishte konsultimi dhe liria që kjo punë i ofronte. Kështu që ajo e shiti kompaninë e saj dhe iu kthye punës si konsulent e pavarur.

4) SG – Siguria/stabiliteti

Nëse ju keni arritur rezultate të larta në këtë shtyllë, atëherë profili juaj ne karrierë është siguria/stabiliteti. Ajo prej se cilën ju nuk duhet te hiqni dorë është siguria e punësimit ose qëndrimit në punë ose organizatë. Shqetësimi juaj kryesor është arritja e ndjenjës së stabilitetit në karrierë në mënyrë që ju të ndiheni të qetë. Ky profil mund të shfaq edhe brenga të sigurisë financiare (sikurse janë planet për pensionim) apo sigurisë të punësimit ose stabilitetit gjeografik, në kuptim të qëndrimit në një zonë ku ju e ndjeni se mund të gjeni gjithnjë ndonjë punë. Sigurimi i stabilitetit të tillë mund të përfshijë edhe shkëmbimin e gatishmërisë për të bërë çka do që punëdhënësi dëshiron nga ju për një premtim të mbajtjes në punë. Ju jeni më pak të brengosur me përmbajtjen e punës suaj dhe nivelit që arrini në organizatë, edhe pse ju mund të arrini një nivel shumë të lartë nëse këtë e lejon talenti juaj. Njëjtë sikurse edhe për autonominë, secili ka nevojë për njëfarë sigurie dhe stabiliteti, posaçërisht në kohën kur ngarkesat financiare mund të jenë të rënda ose kur njeriu ballafaqohet me pensionim. Sidoqoftë, njerëzit që kanë këtë profil janë gjithmonë të brengosur me këto probleme dhe ndërtojnë tërë imazhin mbi veten e tyre rreth menaxhimit të sigurisë dhe stabilitetit. Ata ndjejnë se mund të relaksohen vetëm nëse kanë arritur suksesin në karrierë dhe stabilitetin që iu jep atyre ndjenjën se “e kanë arritur atë”.

Shembuj:  Jeta Berisha u rrit në një familje që mezi arrinte ta dërgojë atë në kolegj dhe ajo zgjodhi inxhinierinë si fushë studimi sepse kjo do të i siguronte edukim të mjaftueshëm gjatë katër viteve për të qenë në gjendje që menjëherë të filloj punën pa trajnime shtesë. Ajo shkoi në një firmë të madhe elektronike dhe zhvilloj një serë aftësish për të cilat e dinte se do t’i nevojitën në punën e saj. Ajo ishte e kënaqur me beneficionet e mira dhe planet e përgjithshme të pensionimit që ofronte kompania, kështu pranonte shpesh detyra që nuk ishin mjaft sfiduese por që tregonin lojalitetin dhe qëndrueshmërinë e saj.

Granit Krasniqi është rritur në një qytet të vogël ku babai i tij kishte një biznes të vogël. Pas kolegjit Graniti kishte punuar në dy ose tri kompani në të cilat kishte lëvizur në pozita të ndryshme. Ai ndjente se kishte mësuar shumë por realisht dëshironte ta braktise atë punë dhe të kujdesej për krijimin e familjes. Ai u kthye në qytetin e tij të lindjes dhe vendosi të filloj një biznes familjar sepse kjo do të siguronte stabilitet profesional dhe gjeografik.

5) KN- Kreativiteti i Ndërmarrjes

Nëse keni shënuar rezultate të larta në këtë shtyllë, profili juaj në karrierë është kreativiteti i ndërmarrjes. Ajo që ju nuk duhet ta braktisni është mundësia që ju të krijoni një organizatë ose ndërmarrje tuajën, të ngritur bazuar në aftësitë e juaja dhe vullnetin tuaj për t’i marrë përsipër rreziqet dhe për të tejkaluar pengesat. Ju dëshironi të dëshmoni para të tjerëve se ju mund të krijoni një ndërmarrje e cila është rezultat i përpjekjeve tuaja. Mund të ndodh që ju punoni në një organizatë për të tjerët ndërsa ju jeni duke mësuar dhe vlerësuar mundësitë e ardhshme, dhe do të jepni dorëheqje sapo të ndjeni që është e mundur të ia dilni mbarë me biznesin tuaj personal. Ju dëshironi që ndërmarrja e juaj të jetë financiarisht e suksesshme për të dëshmuar aftësitë tuaja. Ju e vlerësoni vetveten me anë të madhësisë së ndërmarrjes dhe suksesin e saj. Kjo nevojë është aq e madhe saqë ju do të toleroni shumë dështime gjatë karrierës tuaj në kërkim të atij suksesi përfundimtar.

Shembuj: Trim Vehbiu filloj karrierën e tij në inxhinier por ai ishte gjithnjë në kërkim të mundësive për fillimin e diçkaje që është e tij. Ai kishte fituar disa aftësi në sferën e financave dhe zbuloi se disa procedura të caktuara financiare që ishin shumë të suksesshme në një industri ishin plotësisht të pasuksesshme në një industri tjetër. Ai shkoi në Denver ku ai kishte parë mundësinë e formimit të një kompanie konsultimesh, që mund të shiste një mjet financiar, dhe ngriti një biznes multi-milionësh. Ai po ashtu dëshironte të hapte disa dyqane peshku për shitje me pakicë, që mund të shesin peshk, në këtë „zonë bjeshkore“ por ky biznes dështoj në mungesë të konsumatorëve. Ai e shiti biznesin financiar dhe investoi në disa miniera. Eventualisht u largua nga të qenit ndërmarrës për tu bërë Dekan i shkollës së re te biznesit në atë zonë, pra edhe një tjetër lloj aventurë e ndërmarrësisë.

Blerina Kadriu kishte filluar punën me gjysmë orari si shitëse e pasurive të patundshme ndërsa po i rriste fëmijët e saj. Gjatë kësaj kohe, ajo po ashtu krijoi disa herë më radhë “klube financiare të grave” duke u përqendruar në investime të suksesshme dhe ngriti një biznes të vogël me bizhuteri. Pasi që fëmijët e saj u rritën, ajo hapi zyrën e saj për shitblerjen e patundshmërive. Gjatë disa viteve të ardhshme, ajo ngriti një zinxhir zyrash të patundshmërive në komunitetin e saj dhe përfundoj duke krijuar një mbretëri të madhe të patundshmërive.

6) SV—Shërbimi/Përkushtimi për punë

Nëse ju keni shënuar sukses të lartë në këtë shtyllë, atëherë profile juaj i karierës është shërbimi/përkushtimi ndaj punës. Ajo në çfarë ju nuk do të duhej të heqni dorë është mundësia për të ndjekur një punë që është e vlefshme, siç mund të jetë: bërja e botës një vend më i mirë për të jetuar, zgjidhja e problemeve të ambimentit, përmirësimi i harmonisë mes njerëzve, shërimi i sëmundjeve me produkte të reja e kështu me radhë. Ju do të duhej të ndiqni mundësi të tilla edhe nëse kjo nënkupton ndërrimin e organizatave, si dhe duke mos pranonit trasferim ose promovim që do të mund të ju mbante larg punës që përmbush këto vlera.

Shembull:  Dea Shabani ishte e përkushtuar qysh herët, të përmirësoj jetën në organizata sepse ajo nuk e pëlqentë atë çfarë shumë politika burokratike kishin bërë për moralin e babait të saj. Pas kolegjit ajo kërkoi një pozitë në Departamentit e Personelit të një korporate të madhe e cila kishte reputacionin e “kujdesit për njerzit e vet”. Çfarë ajo në të vërtetë dëshironte ishte një pozitë me influencë në “Zhvillimin Organizativ” ku ajo do të mund të influenconte politikat e marrëdhënieve njerëzore. Ajo e dinte se sistemi i karrierës në kompani do të mund ta lëvizte atë fillimisht përmes funksioneve tjera të personelit kështu që ajo ju rezitoj fuqimisht përpjekjeve të saj për ta lëvizur në këto funksione tjera. Ajo arriti që bazuar në vlerat e saj humaniste, ti bind shefat e saj që të lëvizë atë në zhvillimin organizativ, kështu që me sukses implementoj disa politika të reja për personelin. Sa më shumë që rritej influenca e saj, organizatat e tjera vërenin punën e saj, gjë që bëri që ajo të rekrutohet si Shefe e (Zhvillimit Organizativ) për kompaninë.

Vegim Bytyqi ishte i diplomuar në bilologji dhe pylltari gjatë kolegjit dhe studimeve pasuniversitare. Ai u bë profesor dhe ishte në gjendje të punoj në shqetësimet e tij për “ambientin” dhe atë se si politikat e korporatave ishin duke e rrezikuar atë. Kompania e madhe e aluminit në Australi ishte nën disa masa kufizsuese të ambientit dhe minierat e Beauxite të tyre ishin të nevojshme për ti bërë të ditur Qeverisë se ata kanë përgjegjësi për ambientin jetsor. Ata e rekrutuan Vegimin dhe kërkuan nga ai që të zhvilloj dhe implementoj politika të zëshme për ambientin. Vegimi shkoi në Australi dhe atje kaloi dhjetë vite produkive duke zbatuar idetë e tij. Ai u kthye në Akademi vetëm kur administrata e re e korporatës dëshiroj ta shpërbljë atë duke i dhënë një punë të përgjithshme menaxhmenti që nuk ishte në sferën e ambientit.

Mbështjetja tjetër-spiranca shpëtuese – nuk pasqyron as vlerat as motivet, por një përzierje të karakteristikave të personalitetit me stilin e zgjidhjes së problemeve.

7) SF- Sfidat

Nëse ju keni shënuar rezultate të larta në këtë shtyllë-profili juaj në karierë është “sfidë e thjeshtë”, në kuptimin se ju nuk do të heqni dorë nga mundësia për të punuar për zgjidhjen e problemeve në dukje të pazgjishme, për ti mundur oponentët e fortë, ose për të tejkaluar pengesat e vështira. Për ju arsye e vetme kuptimplotë për vijimin e punës ose karierës është për t’ia dalur edhe atëherë kur duket e pamundshme.

Disa njerëz konsiderojnë se kjo është një sfidë e thjeshtë në disa lloje të punës intelektuale, sikurse është inxhinjeri i cili është i interesuar vetëm për zgjidhje të dizajneve të pamundura; disa gjejnë sfida në situate komplekse të shumëanshme; ose dikush si konsulent strategjie që është i interesuar vetëm për klientë që janë në prag të falimentimit dhe që kanë shterrur të gjitha mjetët tjera; disa e gjejnë këtë në konkurencën ndërpersonale, sikurse është atlet profesional ose shitës që e shohin çdo shitje ose si fitim ose si humbje. Risitë, varieteti dhe vështirësia mbyllen në veten e tyre, dhe nëse diçka është e lehtë bëhët mënjeherë e mërzitshme.

Shembuj: Drini Spahiu iu bashkua Marinës së SHBA sepse i pëlqente aventura. Ai ishte në gjendje ti bashkohet aviacionit dhe u bë pilot i Marinës duke fluturuar nw aviacion për karierë. Ai shpenzoi shumë kohë duke i përsosur aftësitë e tij fluturuese për faktin se: nëse në të ardhmën e afërt atij i duhet të konfrontohet me armikun në duel me aeroplan një me një, ai do të dëshmonte se është pilot superior. Ai e mbante veten të gatshëm në çdo kohë duke pritur për mundësinë që të dëshmojë epërsinë e tij personale. Në sporte dhe lojëra ai ishte jashtëzakonisht shumë garues dhe nuk e pranonte të humbte.

Kur ditët e tij të fluturimit përfunduan, ai pa dëshirë morri një punë në zyre megjithatë vazhdoj të jetë konkurrent i ashpër në të gjitha aktivitetet e tij që nuk kishin të bëjnë me punën.

Tringa Zajmi kishte përfunduar shkollën e biznesit të profilizuar në Financa dhe gjeti një punë si shitëse e revistave në rrugë. Asaj i pëlqente sfida intelektuale dhe ndërpersonale që ofronte kjo punë. Kur asaj ju ofrua një mundësi për tu promovuar në grupin e menaxhimit ajo e refuzoj meqenëse dëshironte një stimulim në gara një me një me tjeret dhe sfidë të zgjidhjes së problemeve në rrethana të pasigurta dhe me informacione të pakompletuara. Ajo konsideronte se relacioni i shitjes ishte shumë interesant dhe e qmonte qdo situat si „Luftë“ në të cilen ajo ose “të tjeret“ do të “fitojn”. Ajo ishte në gjendje që të mbetet ne këtë ambient garimi gjatë gjithe karrierës së saj.

8) SJ—Stili i jetës

Nëse keni shënuar rezultat te lartë në këtë shtyll, profili juaj në karrier është stili i jetës. Ajo që ju nuk do të duhej të heqni dorë është situata që ju lejon dhe integroni nevojat personale, nevojat e familjes tuaj dhe kërkesat e karrieres. Ju dëshironi që të gjitha qështjet e rëndësishme të jetës suaj ti intergoni për të punuar si një tërësi, dhe për këtë arsye ju duhet të zhvilloni një karrier e cila ju ofron fleksibilitet të mjaftueshme për arritjen e një integrimi të tillë. Ndoshta ju duhet të heqni dorë nga disa aspekte në karrier p.sh. lëvizja gjeografike (lëvizja nga një vend në vendin tjetër) por që kërkon nga bashkëshorti/bashkëshortja juaj të heq dorë nga aspiratat e karrieres, apo do të duhet që fëmijët tuaj të largohen nga një shkollë shumë e mirë.

Njerëzit me këtë profil ndonjëherë e organizojnë karrieren e tyre ashtu që ajo te sillet rreth karrier së bashkeshortit/bashkëshortës, apo në kuptim të zones gjeografike ku ata dëshirojn të jetojnë, ose në kuptim të asaj ku fëmijet e tyre dëshirojnë te shkollohen ose të rriten.

Qështjet gjeografike shpesh luajn një rol vendimtar në atë që njerëzit me këtë profil kërkojnë zona ku mund te sigurojnë në mënyrë optimale nevojat e tyre dhe ato të familjes. Personi me këtë dilem mund të ketë edhe profil tjetër në njërën nga kategoritë përmendura më lart, mirëpo ky person zgjedh t’i nënshtohet shprehjes së këtij profili për qështjet e përgjithshme e stilit të jetes.

Shembuj: Blerim Kabashi ishte një menaxher potencial i cili punonte për një kompani të madhe të naftes me seli kryesore në NewYork. Ai ishte gati për një pozitë të lartë menaxheriale të përgjithshëm në një organizat në SHBA edhe pse ai ishte gjerman dhe kishte gruan gjermane. Kur djali i tij kishte 8 vjet atij ju ofrua një promovim i lartë në një kompani në SHBA e cila do të kerkonte të qëndronte ne NewYork për 5 vite. Blerimi refuzoj promovimin meqenëse ishte më i interesuar për një punë më të vogel vetëm të jetë në Gjermani sepse ai dhe gruaja e tij dëshironin që ta rrisin fëmijen e tij në kulturën gjermane duke konsideruar se 5 vitet e ardhshme do të jenë vendimtare për forminin e identitetit të femijës së tyre.

Albana Ibrahimi, me një karrier mesatare në menaxhment të përgjithshëm i duhej të zgjidhte në mes të promovimit mjaft të lartë në selin kryesore të kompanis të vendosur në një zonë rurale apo një pune shumë më pak prestigjioze në një korporat të vendosur në një zonë të madhe urbane. Burri i saj kishte një profesion teknik dhe shanset e tij që të gjente një punë në një zone urbane ishin më të mëdha, kështu që Albana zgjodhi një punë më pak të rëndësishme me qëllim që ti rrit shansat e saj dhe të partnerit të kenë një karrier të knaqshme.

Pas rishikimit të të gjitha profilve në karrier, ju mund të gjeni vetën tuaj duke pyetur vetën për një ose dy pyetje të cilat ngriten pothuajse gjithmonë.

Çka nëse unë nuk kam shënuar sukses “të lartë” në asnjë shtyllë?

Ka dy arsye të mundshme për një rezultat të tillë.

1). Ju akoma nuk jeni përballuar me zgjedhjen dhe së këndejmi akoma nuk e dini cili është profili i karrierës real për ju. Ju mund të ndieni se mund të keni dy ose më shumë profile sepse jeni në një punë që ju lejon shprehjen e më shumë se një. Përpiqu që të imagjinosh opsionet e karrierës suaj të ardhshme që do të ju detyronin juve të zgjidhni një karrierë dhe shikoni se nga po anoni. Për shembull shumë njerëz mund të mendojnë se kanë dy profile, teknik/funksional dhe menagjerial i përgjithshëm. Pyet vetën nëse ju më parë do të kishit zgjedhur të jeni zëvendëspresident ekzekutiv i një kompanie te madhe ose një zëvendëspresident i lartë i një sfere teknike. Shumë njerëz shohin se mund të zgjedhin shpejt cili është realisht profili i tyre, në rast se janë te detyruar të zgjedhin.

2). Ju akoma nuk jeni përballur me përvoja të mjaftueshme të ndryshme profesionale për të ditur cilat janë preferencat reale, talentet dhe vlerat tua. Nëse në një situate të tillë përpiqu të bësh gjëra të ndryshme përkohësisht dhe shih cila është më e mira për ju. Profili në karrierë zhvillohet me përvojën jetësore dhe nuk është diçka që gjithmonë në ka ekzistuar apo paraqitet në mënyrë të befasishme.

Çka nëse asnjëra nga mbështetjet nuk më përgjigjet?

Qëllimi i këtij testi vetë-vlerësues është që ju të bëheni më të vetëdijshëm për vetën tuaj në aspektin e karrierës. Ndoshta ju mund të keni një profil që është e ndryshme ose kombinim kompleks i kategorive të lartcekura. Ju nuk është e thënë t’i takon njërës prej këtyre kategorive, por ju duhet të kuptoni se kush jeni vërtet në karrierën tuaj dhe në jetë. Zhvillo edhe vetë konceptet tuaja për këtë çështje. Qëllimi është vetëdijesimi, jo bërja pjesë në një kategori standarde.