Uarda Beçerri says:

Përshëndetje dhe faleminderit që na ke shkruar.
Më vjen keq të dëgjoj se po përjetoni momente të vështira të mbushura me mendime dhe frikëra jo të mira.
Është e rëndësishme të kuptoni se nuk jeni vetëm në këtë përvojë dhe është diçka shumë e mirë që jeni drejtuar diku për të shfaqur shqetësimet e tua dhe për të kërkuar ndihmë për veten.
Si fillim, ajo që unë do të këshilloja është të nisësh të identifikosh dhe shkruash mendimet negative. Shkruaj mendimet e tua negative në një letër ose në një ditar. Pastaj, përpiqu të shkruash përgjigjet logjike dhe realiste për këto mendime negative. Ky proces mund të ndihmojë të racionalizosh mendimet e errëta dhe të krijosh një perspektivë të re për gjërat.
Do të sugjeroja të praktikoje teknikat e frymëmarrjes së thellë, të cilat mund ti aksesosh përmes faqeve ndihmuese dhe videove të ndryshme në youtube. Frymëmarrja e thellë është një teknikë efektive për të zvogëluar nivelet e ankthit dhe stresit. Përpiqu të frymosh thellë nëpërmjet hundës, duke mbajtur frymën për një sekondë, dhe pastaj e liron në mënyrë të ngadalshme. Përsërite këtë disa herë, duke u fokusuar në frymëmarrjen dhe lirimin e tensioneve.
Aktiviteti fizik, si ecja, noti ose ushtrime të lehta, ndihmojnë në zvogëlimin e ankthit dhe tensionit emocional, ndihmojnë në relaksim, qetësim dhe në një mendje më të kthjellët.
Ajo që do sugjeroja tjetër është kufizimi i ekspozimit ndaj informacioneve negative; media, telefon etj. Informacionet negative, përfshirë filmat dhe lajmet,mund të shkaktojnë ankth dhe frikë dhe kufizimi i tyre mund të ndihmojë në ndryshimin dhe zvogëlimin e këtyre ndjesive.
Nëse këto ndjesi vazhdojnë dhe kanë një kohëzgjatje, nëse ndikojnë në jetën e përditshme dhe pengojnë aftësinë për të funksionuar normalisht, është e rëndësishme të konsideroni një konsultë me një profesionist të shëndetit mendor. Ato mund të krijojnë një marrëdhënie dhe një plan ndihme më konkret dhe më të individualizuar për ty dhe për pasojë më ndihmues.
Unë të falenderoj dhe të këshilloj të mos hezitosh të kërkosh ndihmë dhe mbështetje kurdo t’ju duhet.
Jemi këtu për ty.
Uarda