Ermal Azisllari says:

Përshëndetje Lira,
Faleminderit që zgjodhe të ndash shqetësimin me ne.
Nga informacioni që ti ke dhënë duket se të paktën prej disa muajsh ndjen shqetësime të cilat i ke indentifikuar si ankth. Duke qënë se mjeku ka përjashtuar arsyet shëndetësore organike, me shumë gjasa shqetësimet që ke janë pjesë e një crregullimi të ankthit. Ankthi, sic besoj dhe je informuar nga psikoterapisti që të trajton, është një reagim normal i njeriut ndaj situatave të pasigurta apo paparashikueshme. Ndërkohë kur mekanizmi i ankthit crregullohet, ndoodh që ai aktivizohet pa shkak, apo ne nuk e kuptojmë shkakun, duke sjellë reagime të trupit tonë që nuk përputhen me situatën. Kjo bën që ne të ndjehemi edhe më të pasigurtë mbi reagimin e trupit tonë e ti keq-interpretojmë këto simptoma si probleme shëndetësore që lidhen me zemrën, frymëmarrjen, të fiktin apo edhe frikën se mos jemi duke vdekur, duke u futur në një rreth vicioz(të mbyllur) ku shpesh është e nevojshme të ndërhyet profesionalisht për të normalizuar gjëndjen.
Nga sa ti me thua, duket se ke filluar të trajtohesh me psikoterapi tek një psikolog. Pyetja që unë kam për ty është përse ke zgjedhur të na shkruash ndërkohë që vazhdon trajtimi me psikolog? Mos vallë ndjen që terapia nuk po funksionon? Mbase do ishte mirë ti ndaje me psikologun këto dyshime e frikëra që ti ke. Nuk e di se prej sa kohësh vazhdon të trajjtohesh me psikoterapi, sepse terapia kërkon kohën e saj që të veprojë. Mbase do ishte më mirë të përfundoje trajtimin që ke nisur e pastaj, në rast se e ndjeje të nevojshme të kërkoje ndihmë diku tjetër. Kjo për shkak se mund të marrësh mesazhe të ndryshme nga burime/ ekspertë të ndryshëm e të ndjehesh edhe më e pasigurtë e ankthioze se këshillat e kujt duhet të ndjekësh.
Ndërkohë sa i takon pyetjes tënde nëse do kthehesh ndonjëherë në normalitet, përgjiigja ime është se nëse trajtimi është i sukseshsëm, patjetër që do ndjehesh shumë më mirë e më në kontroll të vetes. Mënyrat e trajtimit nga psikoterapistë të ndryshëm varjojnë dhe, edhe nëse nuk ndjen përmirësim, gjithmonë mund të kërkosh ndihmë tek një psikoterapist tjetër. Dridhja e pavullnetshme e gjoksit, nga mënyra si ti e përshkruan, duket si një tik nervor i cili mund të nxitet nga gjëndja e ankthit, e cila pa dyshim që mund të lehtësohet me përparimin e terapisë. Ndërkohë pjesë e psikoterapisë është edhe të mësuarit e teknikave të përballimit në rast përsëritje të situatave ankthioze, sepse edhe kjo mund të ndodhë.

Shpresoj të të kem ndihmuar sadopak përmes kësaj përgjigje,

Me respekt,
Ermali