Uarda Beçerri says:

Përshëndetje i dashur,
Faleminderit që ndave ndjenjat dhe përvojën tënde me mua. Është e rëndësishme të kuptosh se
çfarë po përjeton dhe është gjë shumë e mirë që po kërkon ndihmë për ta zgjidhur këtë situatë, e
cila bazuar në përshkrimin tënd, duket një periudhë e vështirë ankthioze, veçanërisht në
momente të caktuara të ditës ose natës. Më tregon se përjeton ankth dhe shqetësime të
panevojshme për shëndetin tënd, edhe pse mjeku ka konfirmuar se je shëndoshë e mirë. Kjo
mund të dëshmojë një shenjë të një mënyre ankthioze të të menduarit, ku mendimet negative dhe
shqetësimet e panevojshme rëndojnë mbi mendjen tënde.
Është e zakonshme që mendimet e ankthit të përkeqësohen gjatë natës për shkak të mungesës së
shpërqendrimit, ndaj gjumi u është kthyer në një mënyrë për të shpëtuar nga këto mendime
negative dhe shqetësime. Më thua gjithashtu se nuk ka ndryshime të mëdha në jetën tënde të
përditshme, por ndjenjat e ankthit dhe depresionit vazhdojnë të ekzistojnë. Kjo tregon se
problemi mund të jetë më shumë i brendshëm sesa i lidhur me situata apo faktorë të jashtëm. 
Për të menaxhuar këtë situatë, unë do ju këshilloja të ndiqni disa hapa që mund të jenë të
dobishëm:
Dua të di nëse e keni konsideruar konsultimin me një psikolog për të diskutuar dhe adresuar
shqetësimet dhe mendimet negative të shpeshta që ju keni. Do ju ftoja ta mendoni dhe ta
vlerësoni realisht një hap të tillë, pasi është i rëndësishmëm për të përmirësuar gjendjen dhe për
të mësuar strategji të shëndetshme për menaxhimin e ankthit dhe depresionit.

Gjithashtu, praktikimi i teknikave të relaksimit dhe meditimit ndihmojnë në zvogëlimin e nivelit
të ankthit. 
Mbajtja e një ditari për të identifikuar faktorët që mund të ndikojnë në këto ndjenja është një
formë e mirë njohëse dhe cliruese në të njëjtën kohë, duke mundësuar të parit të situatës nga një
këndvështrim i jashtëm.
Të kaluarit të kohës në aktivitete të pëlqyeshme dhe të dashura nga ju gjithashtu ndihmon në të
përqendruarit energjinë në aspekte pozitive të jetës.
Gjithashtu, do ju ftoja te ndani pervojat tuaja me njerez qe i konsideroni te afert dhe qe mund te
jene mbeshtetje per ju. 
Cdo situate, gjendje apo pervoje qe kalojme ne jete eshte e perkohshme, ndaj te punojme qe koha
e qendrimit te saj me ne te jete sa me e qete dhe e shkurter.
Të falenderoj që ndave këto ndjenja me mua dhe te inkurajoj të vazhdosh të kërkosh ndihmë dhe
mbështetje. Ne jemi këtu për t’ju ndihmuar.
Uarda