MA. Almandina Guma says:

Përshëndetje e dashur
Faleminderit që na je drejtuar për shqetësimin e mendimet e tua në këto momente.
Me aq sa shkruan në letrën tënde ndjej sflititje si mendore dhe emocionale dhe nga ana tjetër lidhja që ti përshkruan është e shoqëruar përgjatë një periudhe kohore nga pasiguri të vazhdueshme nga të dy palët.
Me sa thua në letër, ti mendon që e ke krijuar ti këtë pasiguri dhe mosbesim fillimisht me cfarë ke bërë online, por edhe pse me sjelljet e tua të mëvoshme je përpjekur te vendosësh besim duket se ato nuk kanë cuar në një rezultat shumë pozitiv për ju të dy pasi edhe partneri yt në formën e vet, shfaqet i pasigurtë dhe pa besim ndaj teje. Duket sikur marrëdhënia juaj është bërë një cikël i përsëritur për ti mbushur mendjen njëri tjetrit apo për ti provuar dicka dhe kjo nuk ndihmon për të ndërtuar lidhjen midis jush.
Kjo duket se ka ngjalluar te ty ndjesi faji, përgjegjësie dhe ti përmend në letër edhe fjalën “dënim” që do të thotë që ndjehesh e lodhur me të drejtë nga e gjitha kjo.

Duket gjithashtu që partneri yt ka patur disa herë sjellje të ndryshme gjatë lidhjes suaj, afrimi dhe largimi. Ka edhe gjëra që duket se ti nuk I pëlqën te ai. Ti nga ana tjetër duket se dëshiron fort që te kesh një lidhje më të përkushtuar, të sigurtë dhe të shtruar për veten dhe vajzën tënde.

Sa përmbushëse është kjo marrëdhënie për ty dhe për ju në përgjithësi?
Pse mendon që ka kaq shumë pasiguri midis jush?
Pse sjelljet e partnerit tënd ndryshojnë në këtë mënyrë?
Cfarë vlen të investohet në këtë marrëdhënie?
Si dëshironi ju ta orientoni dhe ta drejtoni këtë marrëdhënie më tej? Cfarë pret ti nga partneri? Cfarë pret partneri nga ty?

E bëra gjithë këtë përmbledhje e dashur, për të thënë në radhë të parë që në rast se ne bëjmë veprime të njëjta, ato do të prodhojnë rezultate të njëjta. Në këtë mënyrë është e nevojshme që ju të dy të ndërprisni këtë ciklin e veprimeve për konfirmim dhe rikonfirmim.
E dyta, është që unë do të këshilloja fort të merrje kohën tënde dhe të reflektoje për këtë marrëdhënie dhe cfarë dëshiron ti prej saj.
Ndonjëherë gjëra apo incidente të tilla në fakt janë pasqyrim i dickaje tjetër në lidhjen tuaj në kuptimin e besimit dhe pritshmërive që keni për njëri tjetrin.
Është shumë e nevojshme që ti të sqarosh me vetën tënde se cfarë dëshiron për veten dhe për familjen tënde. Gjithashtu është e nevojshme të kuptosh dhe kapësh prespektivën e partnerit se pse ai ka pasiguri dhe kapërcime të tilla në kuptimin e ndjesive dhe mosbesimit.

Në rast se do të rrish në “kurthin” e këtyre gjërave dhe gjetjes e vendosjes së besimit në këto mënyra, mendoj thjesht do të bëhet gjithmonë edhe më kundërproduktive në këtë rast. Kjo është besoj edhe arsyeja pse ti na ke shkruar pasi e ke këtë dyshim tashmë.

Unë mendoj që në momentin që do kesh reflektuar mirë lidhur me këtë gjë dhe cfarë ti dëshiron dhe si do ta orientosh këtë lidhje, do të jetë më e lehtë të kesh një bisedë më të qartë me partnerin tënd dhe mënyrën se si doni të vazhdoni më tej.
Kërkohet që ti të vendosësh besimin te vetja fillimisht dhe te ajo që ti do. Sigurisht që kjo kërkon edhe predispozitën dhe angazhimin e partnerit për atë cfarë doni të keni bashkë.

Ndërkohë përpiqu të strukturosh raportin e komunikimit me partnerin tënd në një formë tjetër, duke shprehur vlerësim për gjërat që keni dhe vlerëson te ai dhe mesazhe pozitive për lidhjen tuaj.

Shpresoj që përgjigja të të ketë ndihmuar për të reflektuar ndryshe dhe të uroj që të gjesh më të mirën më tej për qetësinë tënde.

Me respekt,
Almandina