MA. Almandina Guma says:

Përshëndetje,
Faleminderit që na je drejtuar e ndave me ne shqetësimin tënd, duke besuar në përgjigjen tonë, edhe pse sic e thua edhe ti je konsultuar shumë herë e ke marr informacion nëpërmjet burimeve të ndryshme.

Përmes letrës tënde e kuptoj që kjo është një periudhë e rëndësishme për ty, por edhe shumë sfiduese drejt njohjes së vetes, cfarë të pëlqen, të kuptuarit e emocioneve të ndryshme, por edhe të marrurit me realitetin përreth që sic thua nuk e favorizon diversitetin dhe e ka të vështirë ta pranoj “të ndryshmen”. Aq më tepër që nga tonet në letrën tënde, ndjehet qartë presioni që ndjen prej ambjentit. Ose mund të jetë që projektojmë apo ia veshim ambjentit, konfuzionin brenda nesh.

Me sa kuptoj, ti shpreh shumë konfuzion, duke përmendur se i përket një orientimi tjetër seksual, presionit për ta pranuar, por ndërkohë edhe një konfuzioni vetjak që ti e citon me “mungon dicka”. Për mendimin tim, ky është një rrugëtim që ti po ndjek për të zbuluar veten, pavarësisht që është kaotik, dhe aq më tepër i predispozuar nga mosha në të cilën ti je, ku qëndrore është eksplorimi i vetes, i relacioneve me të tjerët në kuptimin emocional e fizik, dhe aspektet e zhvillimit hormonal kanë goxha peshë.
Me këtë dua të të them që është shumë ok e normale që po përjeton konfuzion apo kaos, pasi kjo do të thotë që nevojitet të kuptojmë e të njohim më mirë veten, kështu që të këshilloj ta perceptosh e mendosh si një rrugë që duhet të përshkruash, pa i vendosur lupën vetes.

Do kisha dashur të na tregoje më shumë për marrëdhëniet e tua konkrete me vajzat e djemtë.
Si janë ato? Cilat janë raportet më të mira që ke? Cfarë të tërheq më shumë? Cilët janë më të rëndësishëm për ty? Cfarë të pëlqen fizikisht? Nga cfarë tërhiqesh më shumë te femrat dhe te meshkujt, etj?
Në letër mungon informacioni i plotë lidhur me cfarë të pëlqen, cfarë të tërheq etj.

Kur flasim për seksualitetin, nënkuptojmë disa aspekte të tij:
Sensualiteti lidhet me ndjesitë që ti ke për trupin tënd dhe trupin e të tjerëve. Sensualiteti përkthehet nëpërmjet ndjesive atraktive për personin tjetër, nevojën për tu prekur (dhe jo vetëm seksualisht), imazhin për trupin, fantazinë.
Intimiteti seksual është të qëndruarit pranë fizikisht me dikë dhe të pranosh të njëjtën gjë prej tij/saj. Kjo përmbledh të provuarit e vulnerabilitetit, rrezikun e e emocioneve e pëlqyeshmërine apo dashurinë e provuar për personin tjetër.
E momenti tjetër është pikërisht identiteti seksual, kur ne formësojmë se cfarë duam e cfarë na tërheq në të vërtet.

Kështu që lidhur me cdo gjë që është përmendur më lart, nuk mund të dish se cfarë do apo kërkon në rast se nuk i jep shanse vetes të ndërtosh marrëdhënie. Dil, njih, kupto cfarë do, përpiqu të njohësh veten tënde, nga cfarë shmangesh, cfarë të drejton.

Do të këshilloja që më shumë se të vendosësh veten në kërkim (apo zgjedhje) të preferencës/drejtimit seksual, të vendosësh veten në kërkim të personit që do të bëj të ndihesh mirë, pa i bërë presion as vetes dhe as tjetrit.

Ti me flet me të drejtw për presionin e ambjentit të jashtëm, por ndonjëherë ne i bëjmë më shumë presion sec duhet vetes dhe kjo na krijon më shumë ngatërresa në ide e mendime. Merre me qetësi këtë përiudhë.

Uroj që përgjigja ime të të ketë kthjelluar në mendimet e tua dhe të uroj gjithë të mirat në eksplorimin drejt njohjes së vetes,
Je i mirëpritur të na shkruash sa herë që dëshiron,
Me respekt