Këshilla/Blog

ilaria 22.02.2024

Pershendetje ,jam nje vajze 31 vjece .Kam probleme te vazhdueshme me mamin.Ajo nuk respekton jeten time,vendimet e mia dhe kufijte e mia.Kam nje agresivitet te theksuar ndaj saj.Kam arritur ne fazen qe nuk e shoh dot me sy(packa se e dua shume thelle thelle).Nese e shoh,konfrontohem fizikisht me te,gje qe eshte e tmerrshme dhe po me kushton shendetin mendor.Arrita te ndahesha prej saj me shume shume veshtiresi (kam rreth 3 jave dhe ajo prap me cenon te drejtat e mia)Ju lutem kam shume nevoje per ndihme.

  1. psych student says:

    Përshëndetje, marrëdhëniet prind dhe fëmijë janë gjithmonë dinamike për shumë arsye, unë do të thoja që përpos faktit që ju ndjeni se po ju cënohen të drejtat tuaja, si? Çfarë nënkuptoni me këtë, a keni bërë ju një përpjekje se përse nëna juaj duket se shpreh shqetesim rreth jush duke ndikuar në lirinë e vendimeve tuaja, duke kuptuar shqetësimin e nënës suaj mund edhe të gjeni një rrugë për të komunikuar nevojat tuaja se si sjellja e saj ju bën të ndiheni. Ju shpreheni se e doni nënën tuaj thellë, përpos kësaj duhet të përpiqeni të kuptoni dhe reagimin tuaj ku shpreheni se keni një agresivitet të theksuar, si lind kjo tek ju, në cilin moment? Çfarë bëni ju për të mos dëmtuar nënën tuaj, duke kuptuar edhe njëherë se cilat mendime ju drejtojnë rreth kësaj sjelljeje serish me rëndësi për ju mbetet ndarja se si e gjithë situata me nënën tuaj ju bën të ndiheni. Do të ishte e shëndetshme për mirëqënien tuaj mendore dhe shëndetin mendor dhe fizik të dyjave ju nëse do të konsultoheshit me një specialist këshillimi psikologjik. Ju uroj gjithë të mirat për ju dhe nënën tuaj.

  2. Uarda Beçerri says:

    Përshëndetje Ilaria,
    Faleminderit që ndave me ne gjithë cfarë po përjeton dhe më vjen keq që
    ndodhesh në një situatë të tillë të vështirë. Situatat konfliktuale në marrëdhënie
    me nënën tuaj janë të rëndësishme dhe kërkojnë kujdes dhe vëmendje për t'i
    adresuar në mënyrë të shëndetshme. Marrëdhëniet prind-fëmijë janë të
    ndërlikuara dhe ndërtuar në bazë të shumë faktorëve të ndryshëm, duke
    përfshirë dinamikën familjare, ndikimin e përvojave të hershme dhe ndryshimet
    individuale që kemi si individë.

    Gjithashtu, agresiviteti i theksuar ndaj mamasë mund të jetë shprehje e një
    konflikti thelbësor që ndjeni midis nevojave tuaja për vetëvendosje dhe pavarësi
    dhe pritshmërive që mamaja juaj ka.
    Reagimi juaj ndaj kësaj marrëdhënie, duke mos pasur dëshirë të kaloni më kohë
    me nënën tuaj apo duke u konfrontuar fizikisht me të, sugjeron që ndjenjat dhe
    tensionet në këtë marrëdhënie kanë arritur në një pikë të lartë frustrimi.
    Ndërsa shprehni se e doni thellësisht mamanë, ndoshta jeni në një konflikt midis
    kësaj dashurie dhe nevojës për të mbrojtur veten dhe për të pasur kufinj të
    shëndetshëm në marrëdhënien tuaj.
    Duke qenë se jeni në një situate të tillë, unë do ju ftoja të provoni të komunikoni
    hapur dhe në nivel emocional me nënën. Mund të përpiqeni të bisedoni hapur me
    të për ndjenjat dhe nevojat tuaja. Përdorni një komunikim të qetë dhe me respekt
    për të shprehur si ndiheni dhe për të bërë të qartë kufinjtë tuaj.
    Do ju sugjeroja gjithashtu të përdorni teknika të relaksimit dhe menaxhimit të
    stresit për të zbutur tensionet dhe për të ruajtur qetësinë tuaj psikologjike.
    Mundohuni të krijoni një sistem mbështetje. Mbani afër njerëz të besuar në jetën
    tuaj me të cilët mund të ndani ndjenjat dhe të merrni mbështetje gjatë kësaj
    periudhe. Ata mund t’ju bëjnë ti shihni gjërat në një këndvështrim tjetër.
    Nëse konfrontimi fizik me nënën tuaj vazhdon të ndodhë dhe nëse jeni në një
    konflikt madhor me të dhe me veten, është shumë e rëndësishme të konsideroni
    të kërkoni ndihmë profesionale. Kujdesi për veten është prioritet dhe një terapist
    mund të ofrojë ndihmën dhe mbështetjen e nevojshme për të ndihmuar në këtë
    situatë të vështirë. Ai/ajo mundet të shkojë në thellësi të gjërave për të kuptuar
    më mirë ndjenjat dhe reagimet tuaja, si dhe për të gjetur mënyra efektive për të
    menaxhuar tensionin dhe për të ndryshuar dinamikën në marrëdhënien tuaj me
    nënën.
     
    Unë ju uroj sukses në rrugën tuaj drejt një marrëdhënie më të shëndetshme e më
    të qetë me mamanë, ju falenderoj dhe pres të dëgjoj më shumë prej jush.
    Uarda

Ju lutemi që komentet tuaja të jenë mbështetëse dhe jo gjykuese ndaj të tjerëve. Faqja administrohet, ndaj komentet postohen vetëm pas aprovimit nga administratori.