MA. Almandina Guma says:

Përshëndetje Eridi
Faleminderit që na ke shkruar dhe ke ndarë me ne pyetjen tënde
E kam lexuar me vëmendje letrën tënde dhe vlerësoj vetëdijësimin që ke ndaj situatës, por edhe pyetjet që ngre lidhur me si ta përqasësh ate që përjeton dhe si ti drejtosh më mirë sjelljet e tua.
E para, kuptoj që do ketë qenë shokuese ajo që ke përjetuar lidhur me detyrimin për të parë material pornografik i cili ka krijuar natyrshëm një shmangie të fortë te ty, pasi ka sjellë frikë, cudi, por edhe ngacmim. Besoj se përderisa ka patur shmangie te ty, patjetër që ti ke patur mendime, ke menduar rreth këtyre materialeve, bullizmit që ke patur lidhur me këtë ngjarje dhe ndjesi të forta.
Kjo për të thënë që mendoj që do kishte qenë më e udhës në terapinë që ke bërë të ishte eksploruar pak më shumë frika dhe ndjesitë e tua dhe cfarë kuptimi kanë marr në psikikën tënde, në vend të ekspozimit të guxuar ndaj materialit pornografik sërish. E them këtë pasi duket që është kaluar nga një sjellje e kushtëzuar fiksueshmërisht shmangëse tek një sjellje tjetër po fiksuese. Shtuar këtu edhe faktin që ti ke qenë në një moshë specifike që lidhet me njohjen e vetes, seksualitetin dhe raportet.
Ndoshta shmangia e fortë që ti ke bërë ka qenë mënyra për të shmanguar mendimin që këto materiale krijonin gratifikim dhe ndjesi të forta te ty.
Domethenë ndoshta ke dashur tu shmangesh se ka patur ndoshta një dijshmëri që mund të fiksoheshe deri diku rreth tyre, por ndërkohë s’ka qenë dicka e zgjedhur nga ty pasi të është servisur brutalisht nga një bullist.
Në këtë pikë ti identifikon që kjo është një sjellje e përsëritur dhe që të është bërë më qëndrore ndoshta se raportet. E kam të pamundur të kuptoj nga letra jote në rast se ndërkohë ke patur ose ke raporte dhe cfarë e pengon njohjen. A ka ndonjë frikë ose siklet lidhur me raportet ose cfarë të pengon lidhur me intimitetin lidhur me to? Ose si kanë qenë raportet? A ka patur raporte që ke patur të njëjtin lloj gratifikimi dhe ndjesish seksualisht? Si kanë qenë eksperiencat seksuale? Gjithashtu cfarë do të thotë që nuk bie dot në dashuri?
Në rast se këto sjellje ndikojnë dhe pengojnë zhvillimin e raporteve, ndoshta në këtë rast mund të quhen sabotuese ose për tu përgjigjur pyetjes tënde a janë të dëmshme ose jo, ndoshta në drejtim të sabotimit, mund të jenë të dëmshme. Por ka nevojë për më shumë eksplorim.
Unë do të ftoja të vije një ditë në chat të faqes tonë për të kuptuar pak më shumë dhe për të eksploruar rreth kësaj teme dhe pyetje tënde.
Video udhezuese per te nisur nje chat ne nukjevetem.al
https://youtu.be/ZjcLbXs-QxM

Oraret se kur ka psikolog online i postojme rregullisht tek Instagrami dhe Facebook – @nukjevetem.al

Shpresoj se përgjigja të ka ndihmuar dhe mbetemi në kontakt.
Me respekt,
Alma