MA. Almandina Guma says:

Përshëndetje e dashur
Faleminderit që na ke shkruar dhe na ke drejtuar një shqetësim dhe rrezik shumë të madh, por edhe që
ndave me ne gjithë peshën që je duke mbajtur ti vetë.
E ndjej me shumë zemër gjendjen, gjithshka cfarë po ndodh dhe gjithë ndjesitë dhe alarmin me situatën
me vëllain. Kjo s’është aspak e lehtë dhe në kuadër të faktit që vëllai yt ka tentuar dëmtim fizik të vetes
për të dytën herë, kjo është urgjente dhe prioritare. ​
Besoj se ti I qëndron afër dhe ndoshta e monitoron apo e pyet e mbase ke merak shumë të zhvilluar në
këtë rast e mbase dhe përgjegjësi të shtuar. Nuk e di si e ke zbuluar se cfarë ka bërë vëllai apo në rast se
ai është I hapur me ty për të treguar, për të kërkuar mendim a dicka, po kjo do të thotë që ti je një burim
suporti dhe mbështetje për të, që është dicka shumë e mirë në këtë rast.
Gjithsesi e dashur, vëllai yt në këtë moment ka nevojë për shumë mbështetje, mendoj profesionale si
dhe mbështetje nga familjarët për të kuptuar situatën dhe për të siguruar vëmendjen dhe ngrohtësinë
më të mirë për të në këto momente. E kuptoj që mund të jetë shumë e vështirë që tu thuash dhe tu
shpjegosh prindërve cfarë po ndodh, po mendoj që duhet ta adresosh me mamin dhe prindërit e tu cfarë
po ndodh dhe duhet të jeni të qetë e të matur në reagimet tuaja për të vepruar për mbështetjen që
duhet të jepni.
Kështu që kjo është GJËJA E PARË QË DUHET TË BËSH. Je në kohë të plotë për ta bërë. Mund ti tregosh
edhe që ke folur me ne, mund ti lexosh edhe përgjigjen time në rast se kjo të ndihmon ty.
Po ta lë ty në besim këtë gjë.
Dhe duhet të mendoni për mbështetjen tuaj, faktin që mund të drejtoheni te profesionistë, psikologë
dhe shërbime që të mund të flitet me qetë dhe më në detaje për cfarë po ndodh.
Kërkohet që të flitet edhe me vëllain tënd që jeni aty për ta kuptuar, për ta suportuar, që s’është vetëm
dhe as I gjykuar dhe që jeni të shqetësuar por që jeni bashkë me të dhe për ti dhënë gjithë mbështetjen
dhe që mund të keni ndihmë të jashtme. Kërkohet të jeni të ndjeshëm por edhe të vërtetë ne hapat që do bëni.
Bërja e dëmtimit fizik tregon shumë lëndim të madh, të qenët I pashpresë por thërret edhe për
vëmendje nga ana e tij. Ka nevojë të di që dikush është aty për të dhe unë besoj se mund të jeni shumë
për ti ofruar këtë support.
Ti ke shpjeguar disa arsye në letrën tënde se nga se mund të vijnë këto mendime. E kuptoj që ne
përpiqemi të gjejmë arsye, shkaqe dhe të kuptojmë. Sigurisht që këto sjellje dhe gjendje burojnë nga
diku, nga të mos ndjërit mirë, nga mendime negative, nga vështirësitë për të kuptuar dhe përballuar
situatat, nga gjendje humori të ndryshueshme, nga tërheqja në vete dhe izolim. Të gjitha këto, gjithë kjo
botë e brendshme e tij dhe që zien, kanë nevojë të fliten me një profesionist dhe të adresohen shkaqet.
Disa situata që mund të duken të lehta për tu përballuar për dikë, mund të jenë shumë të vështira për
dikë tjetër sepse përjetimi është personal në këtë rast dhe kemi mekanizma apo këndvështrime të
ndryshme.
Do të këshilloja të mendoje seriozisht për këto hapa dhe kur të dëshirosh e të mundesh ne jemi këtu dhe
jemi edhe në chat online (sipas orareve te përcaktuar në faqe dhe në llogaritë e nukjevetëm në facebook
dhe Instagram) kështu që na ke pranë kur të duash.
Më mbaj të informuar dhe shpresoj të të kem ndihmuar
Me respekt,
Alma